Қазақстандық боксшы Мұхаммедсабыр Базарбайұлы Таиландағы лицензиялық турнирде соңғы айқасын өткізді, деп жазады Vesti.kz.
63,5 келіде өнер көрсететін Мұхаммедсабыр Еуропаның вице-чемпионы, молдовалық Александр Параскивпен жұдырықтасты. Бұл жекпе-жекте қазақ боксшы үш раундта да айқын басым болып, төрешілер жеңісті бірауыздан Базарбайұлына берді.
Осылайша, Мұхаммедсабыр Париж Олимпиадасына лицензия иеленді. Енді Қазақстанның бокстан ерлер құрамасы Жазғы ойындарға барлық салмақта барады.