Қазақстандық боксшы Ертуған Зейнуллинов Болгарияда өтіп жатқан халықаралық "Странджа кубогі" - 2026 турнирінің жартылай финалына өте алмады, деп хабарлайды Vesti.kz.
65 келіге дейінгі салмақ дәрежесінің 1/4 финалында ол әзірбайжандық Малик Хасановпен қолғап түйістірді. Жекпе-жек қорытындысы бойынша қазақстандық спортшы 0:5 есебімен жеңіліс тапты. Хасанов – 2024 жылғы Еуропа чемпионатының қола жүлдегері.
Осы жеңісінің арқасында әзірбайжандық боксшы өз еліне кем дегенде қола жүлдені қамтамасыз етті.
Айта кетейік, бұл 27 ақпандағы Қазақстан құрамасы үшін екінші жеңіліс болды. Бұған дейін 55 келіде Бағлан Кенжебек жарыс жолынан шығып қалса, 50 келіде Даниал Сабит жартылай финалға жолдама алған еді.
Жарнама