Қазақстандық боксшы Бағлан Кенжебек София қаласында (Болгария) өтіп жатқан "Странджа кубогі - 2026" турнирінің 1/8 финалында өнер көрсетті, деп хабарлайды Vesti.kz.
55 келіге дейінгі салмақ дәрежесінде ерлер арасында Кенжебектің қарсыласы өзбекстандық Абдулазиз Абдуназаров болды.
Жекпе-жек төрешілердің ортақ шешімімен қазақстандық боксшының пайдасына аяқталды — 5:0.
Айта кетейік, бұл Кенжебектің Болгариядағы екінші жекпе-жегі. Бұған дейін 1/16 финалда ол Әзірбайжан боксшысы Ниджат Гусейновты жеңген еді.