Казахстандық боксшы Әбілхан Аманқұл (4-0-1, 4 KO) екінші орта салмақта абсолют чемпион мексикалық Сауль Канело Альваресті (63-2-2, 39 KO) таңдандырды, деп хабарлайды Vesti.kz.
Бұл жағдай жаттығу залында болды. Спарринг кезінде Аманқұл қарсыласын бауырдан ұрып, нокаутқа түсірді. Бұл жағдай Канело мен оның командасын таңғалдырып, шок жағдайына түсірді.
Әбілхан Аманқұл - әлем чемпионатының күміс жүлдегері (2017), Азия ойындарының вице-чемпионы (2018), Азия чемпионатының қола жүлдегері (2017), Қазақстанның үш дүркін чемпионы (2016, 2018, 2020).
2022 жылдың маусымынан 2023 жылдың қыркүйегіне дейін Аманқұл кәсіпқой рингте өнер көрсетті. Осы уақыт аралығында ол бес жекпе-жек өткізіп, төртеуін нокаутпен жеңіп, біреуінде тең түсті. Сонымен қатар, ол Канело Альварестің андеркартында бірнеше рет жұдырықтасты.
Жарнама