Қазақ боксшы америкалықпен айқаста жеңісті жұлып алды

Қазақстан ерлер құрамасының боксшысы Сағындық Тоғамбай бокстан Астанада өтіп жатқан Әлем кубогінің жартылай финалына шықты.

Жерлесіміз 90 келіге дейінгі салмақтың 1/4 финалында америкалық Малакай Джорджеспен қолғап түйістірді. 

Тартысқа толы жекпе-жектің бірінші бөлімінде АҚШ өкілі басым түсті. Алайда, қалған екі раундта Сағындық Тоғамбай жекпе-жек барысын бұрып жіберіп, басымдығын дәлелдей алды.

Осылайша, Сағындық Тоғамбай (90 келіге дейін) кемі қола жүлдеге жетіп отыр.