Қазақ боксшы АЧ-де 0:5 есебінен сенсациялық камбэк жасады

Қазақстандық боксшы Оразбек Асылқұлов Моңғолия астанасы Ұлан-Батырда өткен Азия чемпионатында жеңімпаз атанды, деп хабарлайды Vesti.kz.

60 келіге дейінгі салмақ дәрежесіндегі финалда ол үндістандық боксшы Сачин Сачинге қарсы шықты.

Алғашқы раундта үндістандық төрешілердің бірауыздан шыққан шешімімен (5:0) басым түсті. Алайда қалған екі раундта Асылқұлов жағдайды өз пайдасына өзгертіп, 3:2 және 4:1 есебімен жеңіске жетті.

Қорытындысында жекпе-жек қазақстандық спортшының пайдасына төрешілердің бөлек шешімімен (3:2) аяқталды.