Кәсіпқойда Майк Тайсоннан да "мықты болған" боксшы өлі табылды

Кәсіпқой бокста WBA Gold титулына ие болған америкалық Пол Бамба (19-3, 18 КО) 36 жасында көз жұмды. Спортшының өлім себебі туралы айтылмады. 

Бамбаның аты 2022 жылы белгілі бола бастады, ол кезде Пол Флойд Мейвезердің кардында әйгілі Тайсон Фьюридің інісі Томмимен жұдырықтасу керек боғлан. Алайда жекпе-жек өтпей қалды. 

Боксшы әйгілі Тайсоннан асып түсті:

Одан кейін Бамба Поп-бокс промоушенінде өнер көрсете бастады да, атақты Майк Тайсонның рекордынан асып түсті - бір жылда 14 жекпе-жек өткізіп, барлығында нокаутпен жеңді. 

Кәсіпқойдағы жетістігі:

21 желтоқсан АҚШ-тың Картерете қаласында өткен кейінгі айқасында ол мексикалық Рохелио Мединаны (42-11) жеңіп, WBA Gold титулын иеленген еді. Осылай, Пол ұйымның толыққанды чемпиондығы үшін таласа алатын болды. Осыдан кейін Бамба Джейк Полды жекпе-жекке шақырды, боксшылар WBA Regular титулы үшін айқасады деген сыбыстар да шықты. 

Бірақ алты күн өте боксшы өлі табылды.