Кәсіпқой карьерасы енді басталған қазақ боксшы 17 нокауты бар "Акуламен" айқасқа шығады

Қазақстандық боксшы Бек Нұрмағанбет (4-0, 2 KO) келесі жекпе-жегін 12 қыркүйекте өткізеді, деп хабарлайды Vesti.kz.

BoxRec мәліметінше, Бек Нұр-Сұлтанда өтетін бокс кешінде "Акула" лақап атты мексикалық Бруно Сандовалмен (21-4-1, 17 КО) жұдырықтасады. Он раундқа есептелген айқаста екінші орта салмақтағы WBA International титулы сарапқа салынады.

Еске салайық, Бек Нұрмағанбет әуесқойда 2019 жылғы Азия чемпионы. Ол былтыр маусымда Қазақстан құрамасынан кетіп, кәсіпқой карьерасын бастаған.