Мексикалық Сауль "Канело" Альварес (54-1-2, 36 КО) британиялық Каллум Смитті (27-1, 19 КО) жеңгеннен кейін қазақстандық Геннадий Головкинмен (41-1-1, 36 КО) үшінші рет жұдырықтасу туралы сұраққа жауап берді,- деп хабарлайды Vesti.kz.
- Кеше Геннадий Головкин жеңіске жетті. Алда үшінші жекпе-жектерің өтуі мүмкін бе?
- Ешкімнен қашып жүрген жоқпын. Ең мықтылармен жұдырықтасамын. Үшінші жекпе-жек өткізу мүмкіндігі болса, қабыл аламын. Бірақ мықтылармен жұдырықтасып жатқанымды көрсеттім.
Айта кетейік, бүгін, 20 желтоқсан Альварес төрешілер шешімімен британиялқ Каллум Смитті (27-1, 19 КО) жеңіп, екінші орта салмақта WBC, WBA (Super) және The Ring титулдарын иеленді.