Суперауыр салмақтағы қазақстандық боксшы Иван Дычко (10-0, 10 КО) жыл соңына дейін тағы үш жекпе-жек өткізуі мүмкін. Олимпиада жүлдегерінің алдағы жоспары туралы Vesti.kz тілшісіне оның менеджері Зия Алиев айтып берді.
"Тамызда бір айқас ұйымдастыруды жоспарлап отырмыз. Бұл кездесуге дайындықты Майамиде өткізеді. Иван жекпе-жекті белгіленген уақытын толық жұдырықтасатындай мықты қарсылас таңдаймыз.
Жыл соңына дейін белсенді болады. Тамызды есепке алмасақ, тағы екі айқас жоспарда бар. Жалпы үш жекпе-жек. Бұл жоспарымыз өзгеріссіз қалады деп үміттенемін", - дейді Алиев.
Еске салайық, 30 жастағы Дычко кейінгі жекпе-жегін 10 шілдеде Алматыда өткізіп, ресейлік Денис Бахтовты нокаутқа түсірген. Бұл оның екі жылдық үзілістен кейін рингке қайта оралуы болды және Қазақстанда өткізген бірінші кездесуі.