Калифорния штатының атлетикалық комиссиясы екінші орта салмақтағы боксшы Бек Нұрмағанбетті (13-0, 11 КО) қазан айының соңына дейін жекпе-жектерден шеттеді.
Бұл алдын алуға бағытталған және боксшының қалыпқа келуі үшін қолданылатын медициналық сипаттағы шара.
Бек кейінгі рет 26 қазанға қараған түні Сан-Джасинтодағы (Калифорния штаты, АҚШ) бокс кешіне қатысты. Қазақ боксшының қарсыласы "Бандит" лақап атты мексикалық Хоакин Мурриета Лусио (13-13-3, 11 КО) болды. Жекпе-жек сегіз раундқа есептелген болатын, алайда Бек қарсыласын екіншісінде нокаутқа түсірді.
Лусио да бастапқыда қазан айының соңына дейін "шеттелген" еді, алайда кейін комиссия мерзімді 9 желтоқсанға дейін ұзартты.