Қазақстандық боксшы Евгений Павлов (6-0, 4 КО) Suleimen Promotion баспасөз қызметіне берген сұхбатында Сауль "Канело" Альварес (57-1-2, 39 КО) пен Айдос Ербосынұлының (16-0, 11 КО) спаррингтері туралы айтып берді, деп хабарлайды Vesti.kz.
"Иә, көрдім. Біздің жігіт, жерлесіміз, бір залда жаттығамыз, міне "Каннеломен" бір рингте. Мұндай жетістігін мақтан етемін. Бірақ спарринг басқа да, жекпе-жек мүлде бөлек.
Жаман жұдырықтасты дегенім емес. Ол біздің қазақстандық боксты көрсетті. Ал Альварес өзінің бокс мектебін көрсетті. Айдос оған Биволға қарсы айқасқа дайындалуға жақсы көмектсеті", - дейді Павлов.