Екінші орта салмақта өнер көрсететін қазақстандық боксшы Бек Нұрмағанбеттің (11-0, 9 KO) келесі жекпе-жегі қашан өтетіні белгілі болды, деп жазады Vesti.kz.
Дереккөз мәліметінше, ол рингке биыл көктемде оралады.
Қазіргі таңда боксшы қазақстанда оқу-жаттығу жиынын өткізіп жатыр. Ал осы айда командасымен бірге АҚШ-қа аттанады.
Кейінгі айқасында Бек Лас-Вегаста нигериялық Абимболо Осундаироны (5-1, 3 КО) нокаутпен жеңген.
Қазақ боксшы өз салмағында аболют чемпион мексикалық Сауль Канело Альвареспен (59-2-2, 39 KO) бір залда жаттығады.
Айта кетейік, әуесқойда Бек 2019 жылы Азия чемпионы атанған.