Ресейлік боксшы Дмитрий Бивол (20-0, 11 КО) мексикалық Сауль "Канело" Альвареспен (58-2-2, 39 КО) қарымтадан гөрі жартылай ауыр салмақта IBF, WBC және WBO чемпионы Артур Бетербиевпен (18-0, 18 КО) жекпе-жекке шыққанды қалайды, деп хабарлайды "Матч-ТВ".
Алайда оған дейін Бивол мексикалық Хильберто Рамиреспен (44-0, 30 КО) айқаста WBA титулын қорғап алу керек. Бұл кездесу 5 қараша Абу-Дабиде өтеді.
"Әрине, жаттығу лагерінде өзімді тамаша сезінемін. Дайындалуға қажеттінің бәрі бар. Рамиресті жеңе алатыныма сенемін. Қолымнан келгеннің бәрін жасаймын. Мен әр жекпе-жек сайын ілгерлеуге тырысамын. Жеңіп қойған боксшыларға оралғым келмейді. Мақсатыма қарай жүріп, тағы бір белбеу иеленгім келеді", - дейді Бивол.