"Канелоға" келесі жекпе-жегіне Головкин орнына басқа боксшы ұсынылды
Украиналық Сергей Деревянченко (13-2, 10 КО) 2020 жылы мамырда орта салмақта WBC (Franchise) және WBA (Super) чемпионы Сауль "Канело" Альвареспен (53-1-2, 36 КО) жұдырықтасуға дайын. Әрине егер мексикалық боксшы қазақстандық Геннадий Головкинмен (40-1-1, 35 КО) үшінші жекпе-жектен бас тартса. Бұл туралы Worldboxingnews.net басылымына украиналық боксшының промоутері Лу ДиБелла мәлімдеді.
"Егер "Канело" мамырда GGG-мен жұдырықасқысы келмесе, Сергей бос - 160, тіпті 168 фунтта жекпе-жек өткізуге дайын. Головкин мықты, бірақ, Деревянченконың жанармайы көбірек. Сергей меніңше, "Канелоға" Головкиннен артық қиындық тудырады", - дейді промоутер.