"Канелодан" нокаутпен жеңілген Ковалев басқа салмаққа ауысады

Жартылай ауыр салмақта бұрынғы әлем чемпионы Сергей Ковалев (34-4-1, 29 КО) бірінші ауыр дивизионға ауысады. Бұл туралы ресейлік боксшының бапкері Бадди МакГирт Boxing Junkie басылымына берген сұхбатында айтып берді. 

Бұл шешім әлі Ковалевтің ісін жүргізетін промоутер Кэти Дувамен келісілген жоқ. 

"Ковалев бірінші ауыр салмаққа ауысады. Бір айдан кейін жаттыға бастаймыз. Сергей 185 фунтта өзін жақсы сезінеді. Бірақ енді одан артық жинамайды. Ковалев 180 фунтта жұдырықтасуға дайын және ол жігіттердің бәрін жеңе алады. Иә, ол жеңілдейді, бірақ, бәрі жақсы. 

Меніңше, Ковалев бірінші ауыр салмақта жақсы өнер көрсете алады. Әлі Кэти Дувамен сөйлеспедік, сондықтан, мұнан артық ештеңе айта алмаймын", - деп келтіреді бапкердің сөзін iSport.ua.