"Канело" - рингтегі кезекті қарсылас қана. Головкин оны демде жеңеді - Санчес

WBA (Super), IBO, WBC және IBF тұжырымдары бойынша орта салмақтағы әлем чемпионы қазақстандық Геннадий Головкиннің (37-0, 33 КО) бапкері Абель Санчес мексикалық Сауль "Канело" Альвареспен (49-1-1, 34 КО) өтетін жекпе-жекте Головкиннің жеңіске жететініне сенімділік білдірді, - деп хабарлайды Vesti.kz.

"Мен ештеңені өзгертейін деп жатқан жоқпын (дайындық жайлы айтатын болсақ). "Канело" - рингтегі кезекті қарсылас. Головкин өзін жақсы ұстаса, ол оны оңай жеңіп кетеді. Бұл жекпе-жекте оны өзгертіп жіберетін ештеңе болмайды деп сенемін. Соңғы 37 жекпе-жекте айтарлықтай ештеңе болған жоқ қой. Сондықтан да мен жақсы кеш өтеді деп ойлаймын", - деді Санчес Fighthype.com басылымына берген сұхбатында.

Еске сала кетейік, осыған дейін Абель Санчес Сауль "Канело" Альварестің (49-1-1, 34 КО) олар өткізген спаррингтен бері күшейгендігін, бірақ мексикалыққа қазақстандықтың деңгейіне жетуге әлі алыс екенін айтқан болатын.

"Бапкері онымен жақсы жұмыс жасаған. Бірақ Головкин де күшейді. Бұл бір-біріне қарама-қайшы екі стильде жұдырықтасатын боксшылардың кездесуі болмақ, дегенмен олардың ұқсастықтары бар. Екеуі де жұдырықтаса алады және екеуі де жақсы панчерлер. Иә, Сауль күшейді, бірақ ол көбіне шапалақпен жұмыс істейді. Дегенмен жігіттер осындай деңгейдегі жекпе-жек өткізуге лайықты", - деген еді Абель Санчес FightHype.com басылымына берген сұхбатында.

Әлеуметтік желілерде бөлісу