"Канело" командасы Головкинмен үшінші жекпе-жекке қатысты ашық мәлімдеме жасады

Мексикалық Сауль "Канело" Альварестің (53-1-2, 36 КО) бапкері қазақстандық Геннадий Головкинмен (40-1-1, 35 КО) үшінші жекпе-жекке дайын екендерін мәлімдеді, - деп хабарлайды Vesti.kz.

Маманның сөзінше, трилогия қыркүйекте өтуі мүмкін. Мұның алдындағы екі жекпе-жек те осы айда өткен.

"Мамырда "Канело" 168 фунтта әлем чемпионымен жұдырықтасады. Дегенмен Golden Boy және DAZN-мен бірге ары қарайғы жоспарды талқылау қажет. 

Головкинмен үшінші жекпе-жекті қолдаймыз. Неге болмасқа? GGG орта салмақ чемпионы, мықты боксшы. Біз дайын, тек мамырдағы жекпе-жекке "Канело" бос емес, ал қыркүйекке болады. Головкин жоғары салмаққа өте алады немесе сол салмақта қалса болады. Бірақ бәрібір онымен айқасамыз", - дейді Рейносо.