Екінші орта салмақта әлемнің абсолют чемпионы Сауль Канело Альварес (60-2-2, 39 КО) қазақстандық Геннадий Головкинмен (42-2-1, 37 КО) үшінші жекпе-жекке қатысты ойын айтты, деп хабарлайды Vesti.kz.
"Иә, мен оны нокаутқа түсіргім келді. Солай етуге тырыстым, бірақ жекпе-жекті қарап шықсаңыз, ол нокаутқа түсіп қалмас үшін қалай қашып жүргенін көресіз. Ол сол күйі оң қолымен ұрмады да. Ауыр соққы жасамады, өйткені менің қарымта шабуылдарымнан қорықты. Сәйкесінше, ол нокаутпен жеңіліп қалмауды ғана ойлады.
Оның үстіне сол қолыммен қиындықтар болды. Дайындық кезінде де дұрыс жаттыға алмадым. Ең мықты формаға келуім керек еді, бірақ қолым мұрша бермеді", - дейді Альварес One on One | Boxing YouTube аранасына берген сұхбатында.