Екінші орта салмқата әлемнің абсолют чемпионы мексикалық Сауль "Канело" Альварес жеңілмеген ресейлік боксшы Дмитрий Биволға қарсы қарымта жекпе-жек туралы ойын айтты, деп хабарлайды Sport 24.
Былтыр мамыр айында Бивол төрешілер шешімімен Альваресті жеңіп, жартылай ауыр салмақта WBA белбеуін қорғап қалған болатын.
"Қарымтада Биволды сабайтынымды анық білемін", - деді "Канело" Boxing Scene басылымына сұхбатында.
Сауль Альварес кәсіпқой бокста 62 жекпе-жек өткізіп, оның елу сегізінде жеңіске жеткен. Бивол 21 айқасының барлығында жеңімпаз атанды.