"Канело" Альварес әлем чемпионымен титул біріктіретін жекпе-жекке шығады

Екінші орта салмақта WBC және WBA чемпионы мексикалық Сауль "Канело" Альварес (54-1-2, 36 КО) пен осы дивизиондағы WBO белбеуіне ие британиялық Билли Джо Сондерс (30-0, 14 KO) жекпе-жек өткізетін болды. Бұл туралы танымал америкалық журналист және инсайдер Майк Коппинджер мәлімдеді, - деп хабарлайды Vesti.kz. 

Оның сөзінше, тараптар келісімге келіп үлгерген. Бұл айқаста үш титул да сарапқа салынады. Жекпе-жек АҚШ-та өтеді. Алдын ала мәлімет бойынша, кездесу 1 немесе 8 мамырға жоспарланған.

SOURCES: Canelo Alvarez and Billy Joe Saunders have agreed to a deal for a May fight on DAZN. Three 168-pound titles up for grabs. Fight will land in U.S., on May 1 or May 8. First, Canelo will have to beat Avni Yildirim on Feb. 27 and emerge uninjured https://t.co/n2By2duTga

— Mike Coppinger (@MikeCoppinger) January 28, 2021

Бірақ, алдымен "Канело" 27 ақпанда WBC желісі бойынша міндетті қарсыласы түркиялық Авни Йылдырымға (21-2,1 2 KO) қарсы кездесуде титулдарын қорғау керек.

Бұған дейін Альварес қазақстандық Геннадий Головкиннің (41-1-1, 36 КО) промоутерінің бірі Matchroom Boxing басшысы Эдди Хирнмен екі жекпе-жекке келісімшарт жасаған болатын.