Қанат Ислам қарыласының командасы WBA белбеуіне үміткер анықталатын жекпе-жектің қайда өтетінін айтты

Қанат Ислам және Брэндон Кук. © roundbyroundboxing.com

Алғашқы орта салмақта жұдырықтасатын америкалық боксшы Джон Вераның (18-0, 11 КО) өкілі Roy Jones Jr. Boxing Promotions компаниясының мачмейкері Гай Тэйлор Vesti.kz тілшісіне берген сұхбатында Қанат Исламмен жекпе-жектің қайда өтуі мүмкін екенін айтты.

- Келіссөздер жүріп жатыр. Кей тұстар бойынша ортақ шешім болмай жатыр. Созылып кетуі мүмкін. Мәселенің көбі біздің командаға байланысты емес, - дейді Тэйлор.

- Ал жекпе-жектің қай жерде өткенін қалайсыз?

- Лас-Вегаста. Қалай дегенмен бәрі қаржыға келіп тіреледі.

- Жекпе-жекті Қазақстанда өткізу мүмкін бе?

- Мұндай бізді қызықтырмайды, жекпе-жекті сіздердің елдеріңізде өткізу үшін қыруар қаржы қажет.

Айта кетейік, Қанат Исламның командасы желтоқсан соңында АҚШ-қа баратынын, ал мамырда Астанада жекпе-жек өткізетінін мәлімдеген.

Еске салайық, WBA резалюциясы бойынша, алғашқы орта салмақтағы чемпиондық атаққа міндетті қарсылас анықталатын бұл жекпе-жекті өткізу туралы келіссөздер 21 желтоқсанда аяқталу керек. Олай болмаған жағдайда промоутерлік сауда басталады.

Әлеуметтік желілерде бөлісу