Бокстан Қазақстан құрамасының көшбасшысы Абылайхан Жүсіпов IBA Дубайда (БАӘ) өткізіп жатқан әлем чемпионатында ширек финалдық жекпе-жегін өткізді, деп хабарлайды Vesti.kz.
Бұл кезеңде 71 келіге дейінгі салмақта өнер көрсететін Жүсіпов 2021 жылғы әлем чемпионатының қола жүлдегері, Әзербайжанның екі дүркін чемпионы Сархан Алиевпен жұдырықтасты.
Кездесу толық үш раундқа созылып, Жүсіпов 5:0 есебімен айқын жеңіске жетті.
Осылайша, қазақстандық боксшы жартылай финалға өтіп, жарыстың қола жүлдесін кепілді түрде алып отыр.
Жүсіпов - әлем чемпионаттарының үш дүркін қола жүлдегері (2017, 2019, 2021) және Азия чемпионатының күміс жүлдегері (2017).