Жеңілмеген нокаутшы Әлімханұлымен айқасуға сөз берді

Британиялық боксшы Хамза Шираз (21-0, 17 КО) орта салмақта WBO және IBF чемпионы Жәнібек Әлімханұлымен (16-0, 11 КО) кездесті. 

Спортшылар украиналық Алесандр Усик (22-0, 14 КО) пен британиялық Тайсон Фьюри (34-1-1, 24 КО) қарымтасы өтетін Эр-Риядта (Сауд Арабиясы) кезігіпті. 

Жәнібек әлеуметтік желіде видео жариялады. Онда Әлімханұлы өзінің менеджері Эгис Климаспен, ал Шираз өзінің промоутері Фрэнк Уорренмен тұр. Қазақ боксшы мен британиялық қол алысады, одан кейін Хамза жекпе-жекке дайын екенін айтады:

"Карлос Адамеспен істі аяқтаған соң біз өзара белбеу біріктіретін айқас ұйымдастырамыз", - деді Шираз Жәнібекке. 

"Міне құрметті жанкүйерлер, осындай жаңалық", - деп жазыпты виедоның астына Жәнібек.