30 жастағы Әшкеев 5 шілде Алматыда жұдырықтасады, боксшы бұл кездесуге Қазақстанда дайындалатынын айтты.
- Иә, Қазақстандағы дебютті жекпе-жегім өтеді. 19 маусымда елге ұшып келемін. Бір-екі ай үйде боламын, Қанат Исламның андеркартында жұдырықтасамын. Жақсы бокс көрсетуге тырысамын, - дейді Мадияр.
- Белбеуді қорғайсың ба?
- Екі белбеу тігіледі. NABF Junior титулын қорғаймын. Сонымен бірге, NBA белбеуі болады.
- Junior деп аталады, бұл жастарға емес, өзгелерге қарағанда кішірек дегенді білдіреді. Солай ма?
- Иә, бұл жастар белбеуі емес. Одан кейін NBA титулы, келесі - WBC Silver және WBC. Осылай сатылай кетеді.
- NABF белбеуі WBC жүйесіне кіреді, ал NBA - WBA жүйесінде ғой.
- Иә, NABF титулы WBC жүйесінде, ал NBA - бөлек.
- 10 немесе 12 раунд?
- Әзірге нақты айта алмаймын. Промоутерлер кейін хабарын айтады.