Жеңілмеген қазақстандық боксшы Мейірім Нұрсұлтанов (20-0, 11 КО) келесі жекпе-жегіне дайындықты жалғастырып жатыр, деп хабарлайды Vesti.kz.
Әлеуметтік желіде боксшының Таиландтың Пхукет қаласындағы жаттығу залынан түскен суреті жарияланды. Фотосуретті оның бапкері Джон Хатчинсон салған.
"Жаттығу жиыны енді қарқын туралы емес. Ең бастысы - дәлдік. Белбеу алатын уақыт келді", - делінген жазбада.
Нұрсұлтанов соңғы рет 2023 жылдың қараша айында шаршы алаңға шыққан. Ол кезде Ташкентте (Өзбекстан) өткен жекпе-жекте чилилік Хулио Аламосты (16–3, 9 КО) төрешілер шешімімен жеңген еді. Бастапқыда қазақстандық боксшы 2024 жылдың шілде айында рингке қайта оралады деп жоспарланған, алайда ол жекпе-жек өтпей қалды.
Жарнама