Суперорта салмақтағы қазақстандық боксшы Айдос Ербосынұлы (13-0, 9 КО) келесі жекпе-жегін желтоқсанда өткізеді,- деп хабарлайды Vesti.kz.
BoxRec мәліметінше, Айдос рингке 16 желтоқсан Қазақстан астанасында шығады. 29 жастағы қазақ боксшының қарсыласы 31 жастағы ганалық Исса Самир болады. Ол 19 жекпе-жегінің барлығында жеңіске жеткен (16 нокаут). Самир кездесуінің бәрін Отанында ғана өткізген екен.
Ербосынұлында WBC Asia, WBA International және WBO Global титулдары барын айта кетейік.
26 шілде Минскте өткен кейінгі жекпе-жегінде ол германиялық Нуху Лавальді (27-7, 15 КО) жеңген еді. Қазір Айдос WBA рейтингінде екінші, WBO-да алтыншы, IBF-де жетінші және WBC ұйымында 15-ші.