"Жекпе-жек аяқталғанға дейін шыдамайды". Сарапшы Головкин - Шеремета кездесуі жайлы

Бокс және ММА туралы vRINGe.com интернет-журналының редакторы Антон Горюнов қазақстандық Геннадий Головкинмен титулдық жекпе-жекте польшалық Камил Шереметаның жеңісіне күмәнді. Vesti.kz тілшісіне берген сұхбатында ол Еуропа чемпионы кездесу соңына дейін шыдай алмайды деген пікір айтты.

"Рингте бәрі болуы мүмкін болғандықтан, бокста алдын ала ештеңе айтуға болмайтынына қарамастан, Шеремета Головкинге қарсылас емес екені анық. Ол еуро деңгейде. Головкин одан германиялық Universum үшін жұдырықтасып жүргенде-ақ асып түскен. 

Польшалықта тіпті GGG-ді есеңгірете алар соққы да жоқ. Головкиннен соққы санымен асып түсу? Бұған да сену қиын. 38 жасында да, Абель Санчестен кеткенімен де, Головкин уоркрейті өте мықты.

GGG рингте бір жылдан аса уақыт болмағанын есепке алсақ, ол Big Drama Show-ын соза түсері белгілі. Дегенмен Шеремета жекпе-жектің аяқталғанына дейін шыдай алмайды", - дейді Грюнов.