Бірінші орта салмақта жұдырықтасатын қазақстандық боксшы Виктор Темировтің (6-0, 4 KO) Германиядағы келесі жекпе-жегі белгіленді, деп хабарлайды Vesti.kz.
"Қасапшының" жекпе-жек күні нақтыланды24 жастағы қазақстандық польшалық Матеуш Павловскимен (3-4, 2 KO) айқасқа шығады. "Қасапшы" лақап атты Темиров пен польшалықтың жекпе-жегі 12 сәуір Куакенбрюк қаласындағы "Артланд-Арена" шаршы алаңында өтеді.
Айта кетейік, 2024 жылдың 2 қарашасында Бад-Херсфельд қаласында өткен алдыңғы айқасында Темиров никарагуалық Робин Самораны (21-35, 10 КО) жеңіп, WBF European титулын иеленген еді.
Еске салайық, Темировтің лақап аты "Қасапшы", бірақ, Германияның бокс жанкүйерлері мен сарапшылары оны кәсіпқой карьерасын осы елде бастаған атақты Геннадий Головкинге теңеп жүр.