Жанкүйерлер Головкин-"Канело" қарымтасының арнайы белбеуінің дизайнын таңдады

Бүкіләлемдік бокс кеңесі (WBC) WBC, WBA (Super) және IBO чемпионы қазақстандық Геннадий Головкин (38-0-1, 34 КО) және мексикалық Сауль "Канело" Альварес (49-1-2, 34 КО) арасындағы қарымта жекпе-жектің жеңімпазына табысталатын арнайы белбеу дизайнына дауыс берудің қорытындысын шығарды, - деп хабарлайды Vesti.kz.

Жанкүйерлерге екі нұсқаның бірін таңдау ұсынылған еді. Дауыс беру қорытындысы бойынша, "ақ" белбеуді таңдағандар көбірек болды (54 пайыз). Жасыл белбеуді дауыс берушілердің 46 пайызы таңдаған.

Which Belt do you want for the winner of GGG VS Canelo 2?

Vote in our next tweet!#WBC #GGGCanelo2 #CaneloGGG2 #Boxing pic.twitter.com/TE5A3VraeJ

— World Boxing Council (@WBCBoxing) 24 июня 2018 г.

Айта кетейік Головкин мен Альварестің алғашқы жекпе-жегінде WBC ұйымының арнайы белбеуі тігілген болатын. Жекпе-жек тең аяқталғанымен белбеу ұйым чемпионы ретінде Головкинге табысталды.

Головкин мен Альварестің екінші жекпе-жегі 15 қыркүйекте Лас-Вегастағы T-Mobile арнеасында өтеді.