Жартылай орта салмақта IBO чемпионы Жанқош Тұраров (27-0, 20 KO) германиялық боксшы Тимо Шварцкопфпен (22-5, 13 КО) жекпе-жекке шығуы мүмкін, деп хабарлайды Vesti.kz.
Инсайдерлік ақпарат бойынша, германиялық боксшы чемпиондық титулды биыл иеленгісі келеді екен. Демек оның ұмтылысына орай айқас Германияда өтуі ықтимал.
Тұраров бұл белбеуін мексикалық Алехандро Менесеспен (16-6, 9 KO) жекпе-жекте жеңіп алған. Көктемде Алматыдағы бокс кешінде Жанқош қарсыласын нокаутқа түсірген болатын.