Жәнібектің келесі қарсыласы кім болатыны айтылды

Badlefthook.com журналисті Патрик Стамберг орта салмақта WBO және IBF чемпионы Жәнібек Әлімханұлының (16-0, 11 КО) келесі қарсыласы кім болуы мүмкін екеніне қатысты пікір білдірді. 

WBO міндетті қарсылас етіп бекіткен Хамза Шираз (21-0, 17 КО) Жәнібекпен жекпе-жектен бас тартты. Шираз қазақстандық чемпионның орнына WBC титулына ие доминиканалық Карлос Адамеспен (24-1, 18 КО) жұдырықтасуы мүмкін. 

"Бұл промоутер Фрэнк Уорреннің есебі. WBO рейтингінде екінші және төртінші тұрған Дензел Бентли мен Брэд Полс айқасының жеңімпазы келесі айда міндетті қарсылас ретінде Шираздың орнын басады. Демек Quensberry Promotions әлі де өз боксшыларының бірін Әлімханұлына қарсы қоя алады, осы арқылы алда Шираз бен Жәнібектің үш белбеу үшін айқасын өткізуге ыңғайланады. Егер Шираз Адаместі жеңсе әрине", - дейді Стамберг.