Орта салмақта WBO және IBF чемпионы Жәнібек Әлімханұлы (15-0, 10 КО) келесі жекпе-жегін британиялық Хамза Ширазбен (19-0, 15 КО) өткізуі ықтимал, деп жаазды Vesti.kz.
Queensberry промоутерлік компаниясы осы жекпе-жекті ұйымдастыруға кіріспек.
"Queensberry Promotions Ширазды орта салмақта WBO және IBF чемпионы Жәнібек Әлімханұлымен жекпе-жекке шығармақ. Жеңіске жеткен жағдайда Шираз орта салмақ патшасына айналады, өз кезегінде бұл оған табысты айқастарға жол ашады", - деп жазыпты бокс туралы испан тіліндегі Boxing Studs Noticias Twitter-аккаунты.
Бұған дейін Queensberry Promotions боксшылардың көз арбасып тұрған суретін жариялаған болатын.
"Жәнібек Әлімханұлы Хамза Ширазға қарсы. Мұны ұйымдастыруға дайынбыз", - деп жазылған еді фото астында.