Орта салмақта WBO және IBF чемпионы Жәнібек Әлімханұлы (15-0, 10 КО) осы дивизионда WBC тилуына ие доминиканалық Карлос Адамеспен (24-1, 18 КО) биыл айқаса алады.
Журналист Лэнс Пагмайрдің мәліметінше, Top Rank промоутерлік компаниясының басшысы Боб Арум Жәнібек пен адаместің жекпе-жегін ұйымдастыруға мүдделі. Айта кетейік, әйгілі промоутер Әлімханұлының ісін жүргізеді.
Бірақ мұның маңызды бір шарты бар - Жәнібек 13 шілдедедегі жекпе-жегінде жеңіске жету керек. Бұл күні қазақстандық боксшы Лас-Вегаста міндетті қарсылас - жаңазеландиялық Андрей Михайловичпен (21-0, 13 КО) жұдырықтасады.