Орта салмақта IBF және WBO чемпион Жәнібек Әлімханұлы (16-0, 11 КО) мен британиялық Хамза Шираздың (21-0, 17 КО) командалары жекпе-жек бойынша келісімге келе алмады, деп жазады vRINGe.com.
Тараптар 4 қараша - WBO белгілеген соңғы мерзімге дейін келісе алмады. Дегенмен мәселені әзірге промоутерлік саудасыз шешуге тырысуда.
Боксшылардың өкілдері келіссөзді қайта жалғастырмақ, ал WBO президенті Густаво Оливьери екі команданы да дедлайнды 11 қарашаға дейін шегеру туралы ресми сұраныстарын жіберуін өтінді.
Айта кетейік, осымен келіссөздің аяқталу мерзімі екінші рет шегеріліп отыр, өйткені о баста командалар 23 қазанға дейін бір келісімге келу керек болған. Промоутерлік сауданың минималды шегі сол күйі 200 000 доллар көлемінде қалып отыр.