Британиялық боксшы Хамза Шираз (24-0-1, 19 KO) мексикалық Сауль Канело Альвареспен (64-3-2, 39 KO) шаршы алаңда кездескісі келетінін мәлімдеді, деп хабарлайды Vesti.kz.
Шираз Альвареспен жекпе-жек өткізуді көздеп отыр
1 қарашада Шираз Эр-Риядта өткен бокс кешіне қатысты. Кештің басты жекпе-жегінде Альварес франциялық Кристиан Мбиллимен (29-1-1, 24 KO) кездескен болатын. Мексикалық боксшы жеңіске жетіп, екінші орта салмақта WBC чемпионы атанды.
Турнирден кейін Шираз DAZN эфирінде Майк Коппинджерге сұхбат беріп, қазіргі заманның үздік боксшыларының бірімен күш сынасқысы келетінін айтты.
"Неге өзіңді үздіктермен жекпе-жекте сынамасқа? Мен бұл спортқа үздік болу және Канело сияқты боксшылармен жұдырықтасу үшін келдім. Мұндай жекпе-жек туралы тек армандауға болады. Күн сайын таңертең тұрып, бұрынғыдан да көп жаттығамын. Канеломен жекпе-жек біртіндеп шындыққа айналып келеді", - деді Шираз.
Шираз Әлімханұлымен жекпе-жектен бас тартты
Бұған дейін британиялық боксшы екінші орта салмақта WBO белбеуін қазақстандық Жәнібек Әлімханұлына (17-0, 12 KO) қарсы міндетті қорғаудан бас тартып, титулды босатқан.
Енді Әлімханұлы бос қалған чемпиондық белбеу үшін жеңіліп көрмеген даниялық Якоб Бэнкпен (20-0, 11 KO) жұдырықтасады. Олардың жекпе-жегі 2027 жылдың қаңтарына жоспарланған.
Жарнама