Орта салмақта WBO және IBF тұжырымдары бойынша әлем чемпионы қазақстандық Жәнібек Әлімханұлы (17-0, 12 KO) WBA титулына ие кубалық Эрисланди Ларамен (31-3-3, 19 KO) жекпе-жек алдындағы мәлімдеме жасады, деп хабарлайды Vesti.kz.
Үш чемпиондық белбеу сарапқа салынатын бұл айқас 6 желтоқсанда АҚШ-тың Техас штатына қарасты Сан-Антонио қаласында өтеді және бокс кешінің ко-мейн ивенті болады.
"6 желтоқсан - мен өзімнің үшінші әлем чемпионы титулымды аламын!", - деп жазды Әлімханұлы әлеуметтік желіде жаттығу лагерінен суреттер жариялап.
Бұған дейін Жәнібек өзінің мақсаты - барлық төрт белбеуді біріктіріп, есімін бокс тарихына жазу екенін айтқан болатын.
Аталған салмақтағы төртінші белбеу - WBC титулы - доминиканалық Карлос Адаместе (24-1-1, 18 KO), ал ол Әлімханұлымен жекпе-жек өткізуден бас тартқан еді.
December 6 - I’m claiming my third world title! pic.twitter.com/ThOISrI6VJ
— Janibek Alimkhanuly (@qazaqstyle) November 4, 2025
Жарнама