Жәнібек Әлімханұлы мен Роб Брант жекпе-жегін тікелей эфирде тамашалай аласыз

Бүгін 26-маусымда отандасымыз Жәнібек Әлімханұлы (9-0, 5 КО) әлемнің экс-чемпионы америкалық Роб Брантқа (26-2, 18 КО) қарсы жекпе-жек өткізеді деп хабарлайды Vesti.kz.

72,6 келіге дейінгі салмақ дәрежесіндегі бәсеке 10 раундқа жоспарланған. Нұр-Сұлтан уақытымен аталмыш бокс кеші 27-маусымда таңғы 8.00-ге жоспарланған. Қазақстандық көрермен қауым жерлесіміздің бәсекесін Хабар арнасынан және ресми сайтынан тамашалай аласыздар.

Әлімханұлы жеңіске жеткен жағдайда жыл соңына қарай мексикалық Хайме Мунгиямен (37-0, 30 КО) кездесуі мүмкін.