Жәнібек Әлімханұлы "Канеломен" айқасқа қатысты мәлімдеме жасады

Қазақстандық боксшы Жәнібек Әлімханұлы (12-0, 8 КО) мексикалық Сауль "Канело" Альвареспен (58-2-2, 39 КО) жекпе-жекке қатысты өз ойын айтты, деп хабарлайды Vesti.kz.

Мексикалық боксшы 18 қыркүйек Лас-Вегаста өзге қазақстандық Геннадий Головкинді (42-2-1, 37 КО) жеңген болатын. 

"Канелоны" оңай жеңемін дегенімде, кейбір жанкүйерлер маған "Pay day" (карьераңдағы ең үлкен гонорар) деп жаза бастады. Ол не деген сөз? Мен Альвареспен ақша үшін ғана айқасқым келеді деп ойлайсыздар ма? Маған өзімдікі жетеді. Менде қажеттінің бәрі бар. Мен ақша үшін емес, тарихқа кіру үшін айқасамын. Pay day? Күлкімді келтірмеңдер!", - деп жазыпты Жәнібек "твиттер" желісінде. 

When i said i can beat Canelo easily some fans wrote “Pay day”! Pay day? What's this? If i want to fight Canelo do you think i'm interested in money? I'm rich enough. I have everything guys! I don't box for money. I box to make history! Pay day? Do not make me laugh!

— Janibek Alimkhanuly (@qazaqstyle) October 5, 2022