Жәнібек Әлімханұлы Боб Арумның мәлімдемесіне қатысты ойын айтты

Орта салмақтағы қазақстандық проспект Жәнібек Әлімханұлы (9-0, 5 КО) өзінің промоутері Боб Арумның мәлімдемесіне қатысты ойын айтты, деп хабарлайды Vesti.kz.

Top Ranк басшысы Жәнібек америкалық Роб Брантты (26-2, 18 КО) жеңген жағдайда, WBO титулы үшін жекпе-жек өткізу мүмкіндігіне жете алатынын айтқан. 

This is called motivation ???@WorldBoxingOrg @PacoValcarcel @BobArum pic.twitter.com/5Feu1qC6zY

— Janibek Alimkhanuly (@qazaqstyle) June 25, 2021

"Бұл мотивация деп аталады", - деп жазыпты қазақ боксшы "Твиттер" желісінде, баспасөз мәслихатындағы видеоны жариялап.

Еске салайық, промоутер қазақстандық боксшыны жыл соңына дейін мексикалық Хайме Мунгиямен (37-0, 30 КО) жекпе-жекке шығару жоспарланып отырғанын да хабарлады.

Ал Әлімханұлы-Брант айқасы Қазақстан уақытымен 27-маусым Лас-Вегаста (АҚШ, Невада штаты) өтеді.

Украиналық Василий Ломаченко (14-2, 10 КО) мен жапониялық Масаеши Накатани (19-1, 13 КО) кардында өтетін жекпе-жек Қазақстанда тікелей көрсетіледі.