Әлемнің экс абсолют чемпионы Эвандер Холифилд UFC-дің бұрынғы чемпионы Витор Белфорттан жеңілді, деп жазады Vesti.kz тілшісі.
Голливудтағы (АҚШ) Triller Fight Club кеші бокс ережесімен өтті. Бірінші раундта Белфорт аты аңызға айналған былғары қолғап шеберін алдымен нокдаунға түсірді. Артынша төреші жекпе-жекті уақытынан бұрын тоқтатуға мәжбүр болды.
Еске салайық, жоспар бойынша Витор Белфортпен Оскар де ла Хойя кездесуі тиіс болған. Ал Холифилд болса Кевин Макбрайдпен рингте қарсы шығу керек еді. Алайда соңғы айқас өтпейтіні белгілі болды. Оның үстіне де ла Хойя коронавирус жұқтырғандықтан, Эвандер Холифилд күтпеген жерден UFC өкілімен жұдырықтасты.