Хабиб Нурмагомедовтың әкесі: Головкин - мен үшін мінсіз боксшы

UFC жеңілатлеті Хабиб Нурмагомедовтың әкесі Абдулманап Нурмагомедов кәсіпқой бокс жайлы пікірін айтты. Сондай-ақ, ол кәсіпқой бокстағы сүйікті боксшысын атап, қазақстандық Геннадий Головкин мен мексикалық Сауль "Канело" Альварестің жекпе-жегіне қатысты пікір білдірді, - деп хабарлайды Tofight.ru.

"Маған бокс қатты ұнайды. Бокстың техникасы өте әдемі. Бокстың тарихы да жақсы, үлкен ақша, атақ. Ал менің ең сүйікті боксшым - Мұхаммед Әли", - деді Абдулманап Нурмагомедов.

Сондай-ақ, Абдулманап Нурмагомедов Геннадий Головкин мен Сауль Альварестің алдағы жекпе-жегіне қатысты пікір білдіре отырып, қандай жағдай болсын Головкиннің фаворит болып қалатынын айтып өтті. "Кез келген жекпе-жекте Головкин мен үшін фаворит. Головкин - біртуар боксшы. Ол бокс үшін көп дүние жасады. Головкин мінезін көрсетті, ол нағыз ер. Геннадий мен үшін мінсіз боксшы", - деді Хабиб Нурмагомедовтың әкесі.