Графеева Әлем кубогіндегі бірінші айқасында жеңіске жетті

Қазақстан әйелдер құрамасының өкілі Виктория Графеева бокстан Астанада өтіп жатқан Әлем кубогіндегі алғашқы кездесуін өткізді.

Қазақстандық былғары қолғап шебері 60 келіге дейінгі салмақта ел намысын қорғауда.

Отандасымыз алғашқы кездесуінде Жапония өкілі Аяка Тагучимен жұдырықтасты. Тартысқа толы жекпе-жектің қорытындысы бойынша Виктория келесі кезеңге өтті. 

Айта кетейік, бұған дейін Назым Қызайбай (48 келіге дейін) және Әнел Сақыш (54 келіге дейін) келесі кезеңге өткен болатын.