Головкиннің бапкері: "Канело" нокаутшы емес

WBA (Super), IBO, WBC және IBF тұжырымдары бойынша әлем чемпионы Геннадий Головкиннің (37-0, 33 КО) бапкері Абель Санчес мексикалық Сауль "Канело" Альварестің (49-1-1, 34 КО) қазақстандық боксшыны нокаутқа түсіруге күші жеткілікті екеніне күмән келтірді, - деп жазады Vesti.kz.

Головкиннің бапкерінің айтуынша, қазақстандықтың бұрынғы қарсыласы канадалық Давид Лемье "Канелоға" қарағанда үлкен панчер. Сондай-ақ, Санчес мексикалықтың қолдары тез қимылдайтынын және оның қолданатын көп тәсілдері бар екенін айтып өтті.

"Альвареспен өтетін кездесу Лемьемен өткен кездесуге ұқсамайтын болады. Лемье - панчер және ол өте мықты жігіт, ал "Канело" Чавесті барынша ұрды, бірақ оған зиянын тигізе алмады. Сондай-ақ, "Канело" екі боксшыны ғана нокаутқа түсіре алды - Әмір Хан мен Джеймс Киркленд. Ал қалған боксшылармен ол ұзақ уақыт бойы жұдырықтасты және олардың барлығы соңғы раундтарда техникалық нокаутпен немесе нокаутпен аяқталып жттыр. Бірақ Альварестің қолдары жылдам қимылдайды және ол өте жақсы әдістерді қолданады. Ол жақсы боксшы", - деді Санчес Dontae’s Boxing Nation басылымына берген сұхбатында.

Еске сала кетейік, 6 мамырда Лас-Вегаста Альварес пен Чавес арасында өткен жекпе-жекте мексикалық боксшы жеңіске жеткен еді.

Сондай-ақ, кейінірек Геннадий Головкин мен Сауль Альварестің қайда жұдырықтасатыны ресми айтылған болатын.

Әлеуметтік желілерде бөлісу