Головкинмен шықпай қойған 17 нокауты бар "Горилла" Джейкобспен жұдырықтаспақ

Орта салмақта әлемнің бұрынғы чемпионы Дэниэл Джейкобс (37-3, 30 KO) және суперорта дивизионда чемпиондыққа үміткер болған Джон "Горилла" Райдер (30-5, 17 KO) 2022 жылы жекпе-жек өткізбек.

Мұндай ақпаратты инсайдер Крис Мэнникс хабарлады. Оның сөзінше, тараптар келісміге келуге жақын.

Daniel Jacobs, John Ryder are in advanced negotiations to face each other in early 2022, sources told @SInow. Jacobs hasn’t fought since a narrow decision win over Gabe Rosado in November, 2020. Ryder has won two straight since a disputed decision defeat to Callum Smith last year

— Chris Mannix (@SIChrisMannix) December 14, 2021

34 жастағы Джейкобс рингке жылдан аса уақыт шықпады: 2020 жылдың қарашасында ол Габриэль Росадоны ұпай санымен жеңді.

33 жастағы Райдер 2019 жылы сол кезде WBA чемпионы Каллум Смиттен даулы шешіммен жеңілгелі, екі жекпе-жек өткізіп, екеуінде де жеңіске жетті.

Айта кетейік, 2019 жылы сәуірде британиялық боксшыға Геннадий Головкинмен (41-1-1, 36 КО) айқасқа шығу ұсынылған, алайда, "Горилла" бірден бас тартқан еді.