Бірінші ауыр салмақта бұрынғы әлем чемпионы Мурат Гассиев (28-1, 21 КО) суперауыр дивизионда екінші жекпе-жегін өткізді, деп хабарлайды Vesti.kz.
Мәскеуде өткен бокс кешінің басты айқасында Гассиев германиялық Михаэль Валлишпен (22-5, 15 КО) жұдырықтасты. Бұл кездесуде WBA Asia титулы сарапқа салынған болатын.
Төртінші раундта Мурат қарсыласын есеңгіретті. Валлиш ес жиып, қайта жұдырықтаса бастады. Алайда ресейліктің кезекті шабуылынан кейін төреші жекпе-жекті тоқтатты.
Мұның алдында Гассиев 2020 жылы қазанда жұдырықтасып, албаниялық Нури Сефериді нокаутқа түсірген. Бұл оның ауыр дивизиондағы бірінші жекпе-жегі болатын. Жалпы ол кәсіпқойда 28 жеңіске жетіп, бір рет жеңілген.
Ал Валлиш карьерасында бесінші рет жеңіліп отыр, сондай-ақ, ол 24 рет жеңіске жеткен.