Бүкіләлемдік бокс кеңесі (WBC) Мейірім Нұрсұлтановтың нокаутының видеосын өзінің әлеуметтік желісінде жариялады, деп хабарлайды Vesti.kz.
Нұрсұлтанов бұл айқаста жапониялық Кадзуто Такесаконы құлатқан болатын. Жекпе-жек Инчхон (Оңтүстік Корея) қаласындағы бокс кешінде өткен.
"Мейірім Нұрсұлтанов біреуді еске сала ма? Көмек үшін: 160 фунт. Жеңілмеген", - деп жазыпты WBC Instagram желісіндегі видеоның астына.
Видеода Seven Nation Army композициясы орындалады, осы әуенмен Геннадий Головкин жекпе-жекке шығатын.