Орта салмақта IBF және IBO чемпионы қазақстандық Геннадий Головкин WBA "супер" белбеуіне ие жапониялық Риота Муратамен жекпе-жек өтетін күнді ресми жария етті, деп хабарлайды Vesti.kz.
"9 сәуірде Жапонияда кездескенше", - деп жазыпты Головкин Instagram парақшасында.
Қазақстандық пен жапониялық арасындағы айқас 9 сәуірде Сайтама қаласындағы Saitama Super аренасында өтеді.
Майк Коппинджер бокс кеші Жапониядағы прайм-тайм кезінде жергілікті уақыт бойынша 22:23-те басталатынын айтты. Қазақстандық жанкүйерлер жекпе-жекті Нұр-Сұлтан уақыты бойынша шамамен 19:20-да тамашалай алады.