Головкин салмағындағы "болашақ жұлдыз" нокдаунға түсіп тұрып жеңіске жетті

Ұлыбританиялық кәсіпқой боксшы Хамза Шираз (16-0, 12 КО) аргентиналық Франциско Торресті (17-4-1, 5 КО) WBC Silver вакантты титулы үшін айқаста нокатуқа түсірді, деп хабарлайды Vesti.kz тілшісі.

Лондон төріндегі Copper Box Arena-да өткен бокс кешінің үшінші раундында қарсыластар бір-бірін нокдаунға түсірді. Алдымен Шираз джеб әдісімен Торресті құлатса, артынша аргентиналық былғары қолғап шебері де қарап қалмады.

After putting his man down Sheeraz is put down himself #SheerazTorres pic.twitter.com/ZQhiXa1XPl

— BoxStory - Rak Noble (@boxstory_rkm) July 16, 2022

Бесінші раундта Шираз қарсыласын тағы да жойқын соққымен құлатты. Бұл жолы Торрес орнынан тұрғанымен төреші жекпе-жекті тоқтатуға мәжбүр болды.

.@sheeraz_hamzah is really starting to look the real deal ? pic.twitter.com/cCL4sVjQfy

— Boxing on BT Sport ? (@BTSportBoxing) July 16, 2022

Бокс кешінде Queensberry Promotions промоутерлік компаниясының басшысы Фрэнк Уоррен Ширазды болашақ бокс жұлдызы деп атады. Еске салайық, дәл осы орта салмақта WBA Super, IBF және IBO белбеулері бойынша әлем чемпионы Геннадий Головкин өнер көрсетеді.