Геннадий Головкин (41-1-1, 36 КО) Yahoo! Sports журналисті Кевин Айолеге берген сұхбатында Сауль "Канело" Альвареспен (57-1-2, 39 КО) айқастан кейін неге мықты қарсыласпен жұдырықтаспағанын айтты.
- "Канеломен" жекпе-жектен кейін міндетті қарсылас Камил Шереметамен кездестің. Стив Роллспен де сол жағдай. Сол күй неге атақты боксшымен шыға алмадың? Альвареспен айқастан кейін өзге де атақты қарсыластармен шыға алар едің ғой.
- Жақсы сұрақ. Мені дұрыс түсініңіздер, ешкімді айыптағым келмейді. Бірақ мұны мен шешпейтінім анық. Ең мықты боксшылармен жұдырықтасқым келді. Үнемі бабымда жүріп, белсенді болуға тырыстым. Бірақ DAZN-мен келісімшартқа отырдым, олар бизнесті осылай жүргізеді.
- "Канело" екінші орта салмақта белбеулерді біріктіріп, жартылай ауыр дивизионға көтерілді. Сен кіммен болсын жекпе-жек өткізуге дайын жүргенде, оның 160 миллион долларға келісімшарт жасап жүргенін көру қызғаныш тудырған жоқ па?
- Мен бірекдің ақшасын санамай тәрбиеленгенмін. Біздің текетіресте кім жеңсе, мүмкіндіктің бәрі соның алдынан ашылатынын бұрын да айтып жүргенмін. Біз ең биікте болдық, тіпті үшінші және төртінші орынға қоятын да ешкім болмады. Екеуміз ең мықты едік. Сол кезде кім жеңсе, ол өзгелер үшін қолжетімсіз болып кететінін айтқанмын. Неге үлкен жекпе-жектер өткізе алмай келеміз? Бұл менің қиындығым емесі анық. Біреулер жұдырықтасқысы келеді, ал өзгелер бұл бизнесті өзгеше жүргізеді.